【明報專訊】噚日係特首曾蔭權發表《施政報告》嘅大日子，社民連3子事先講明，今年唔會搞到要畀主席趕走，要留低投票廢除堆填區議案。不過佢哋又點會忍得住唔搞事呢？3子噚日就拎齊道具為煲呔「贈興」，「大舊」陳偉業仲拎咗張大大塊、寫住「熱烈祝賀劉曉波獲諾貝爾和平獎」嘅紙牌放喺枱面，旁邊放咗一大支香檳，話要等立法會成功廢法後，同其他盟友包括自由黨一齊喺立法會門外開香檳慶祝吓喎。