【明報專訊】中廣核旗下嘅台山核電廠工程如火如荼，預計2017年投產，但同類型反應堆壓力容器頂蓋同底部，去年喺法國原產地驗出品質唔達標，安全受關注。中廣核噚日舉行股東會，大批傳媒希望向高層求證，結果失望而回，大會完結後中廣核董事長張善明匆匆離開，傳媒由酒店大堂低座一邊跑樓梯追到上一層，一邊同保安角力，追到𨋢外面畀保安攔住，董事長先回應一句「謝謝、thank you」。