【明報專訊】體育專員蔡健斌早前話12月會喺啟德室內體育館（體藝館）舉行籃球測試賽，Emily收到消息，話體藝館喺12月7日（周六）會上演兩場賽事，先由兩隊喺學界港九區D1享負盛名嘅校隊打頭陣，緊接開波嘅係U22賽事，其中一隊來自一間大學嘅校隊。據悉，當日係小規模賽事，未必會有1萬人入場打氣。

政府上月起陸續為啟德體育園3個場館搞測試賽及演練，一個月內已經喺可容納5000人嘅啟德青年運動場舉辦咗兩場測試賽同1場演練，3次測試都順利。政府12月會喺體藝館開始舉行測試賽，除咗籃球測試賽，仲會喺下月20日舉辦《CHILL เก่ง Music Festival》，據悉本地人氣男團MIRROR、女團COLLAR都有份演出。