【明報專訊】科技大學今年同非牟利獸醫服務協會（NPV）合作，首度邀請兩隻「貓醫生」（又稱「治療貓」）走入校園同科大生見面。校方話考試季節臨近，希望科大生藉同毛孩互動釋放壓力。

今次走入科大嘅貓貓Arlo同Cobbie都曾經被人遺棄，佢哋已通過考試及評估，成為合資格「貓醫生」，不時走入中小學校園。科大話兩隻貓貓有豐富「行醫」經驗，性格溫馴可愛，為科大生帶來歡樂慰藉、喺考試季節前稍稍放鬆。

自2019年起，科大推出「毛牽無掛」動物輔助計劃，現有3隻現役「駐校治療犬」定期同學生見面。校方希望學生緩解壓力、減輕焦慮，話每學年接觸逾700個科大生；將來會繼續邀請唔同嘅動物醫生到訪，亦會搞教育講座、義工服務等，希望關心學生之餘，亦令學生更關注動物權益。