【明報專訊】日本駐港總領事岡田健一即將離任返日本，喺香港工作期間，佢周不時四圍搵食，臨別在即，星期一佢就去咗搵香港餐飲聯業協會會長黃家和，唔止一齊歎奶茶，黃家和亦親自下廚，教岡田健一點樣冲番杯港式奶茶，睇相又好似學得有板有眼咁。事後岡田健一話透過杯奶茶加深咗同黃家和嘅友好關係。

最近岡田健一並同一班職員去咗大埔墟熟食中心覓食，今次佢唔止歎奶茶，仲食咗蝦子撈麵同奶油豬。岡田健一大讚蝦子撈麵爽口彈牙，奶油豬俘虜埋佢個心。食咗咁多香港美食，唔知佢最唔捨得嘅又係邊樣呢。