【明報專訊】今晚萬聖夜同聽日萬聖節，唔少地方都有搞活動，實政圓桌立法會議員田北辰就提早以一身鬼怪造型現身選區，同街坊過節。田二少話諗住「創新」啲，扮驚嚇造型嘅中國殭屍，試造型時好開心，自覺唔錯，但佢同Emily講，最後過唔到太太一關，太太認為扮死屍唔太吉利，結果佢只能走可愛路線，變成一個大南瓜，喺街頭逗小朋友開心。