【明報專訊】大家每日行街都會見到黑色渠蓋，但原來彩色渠蓋愈來愈多。有份鑄造大澳特色渠蓋嘅劉祥利鑄造廠負責人劉偉文話，開心見到香港終於有顏色渠蓋，亦好難得有機會參與呢個歷史進程，認為有色渠蓋係將來嘅大方向。渠務署前年開始喺大澳等11個地點安裝咗超過200個特色渠蓋，仲計劃喺更多地方安裝。