【明報專訊】體育、演藝、文化及出版界立法會議員霍啟剛舊年喺深水埗開咗個藝文空間「The Bridge+」，最近佢搵嚟藝術家白雙全Hass Lab合作，舉辦另類書法展，展出嘅唔係大師級作品，而係策展團隊較早前同小孩、深水埗街坊去沙灘寫大字、漆黑中用光寫字時嘅影像。去展覽嘅人都可以有唔同嘅「寫大字」體驗，例如「以沙代紙，以光代墨，以冰代筆」，霍啟剛試完就覺得好有趣，形容係「書法狂想曲」，畀參加者用唔同角色重新探索寫字嘅樂趣，用另類方式感受中國書法精神。