【明報專訊】維港嘅填海項目受《保護海港條例》限制，政府舊年提出修例建議「拆牆鬆綁」。自1995年成立嘅保護海港協會噚日喺多份報章登廣告做民調，邀請市民回答3條問題，包括係咪支持政府進行更多大規模填海，例如策劃中嘅青洲填海計劃。不過，發展局噚晚喺facebook反駁，話已去信協會斥廣告內容誤導，「協會指政府正策劃在青洲作大規模填海，這完全是子虛烏有」。