【明報專訊】唔少商業機構都趁巴黎奧運乘勢做宣傳，又或者抽下水，製造輕鬆話題。61歲盧森堡隊華裔「乒乓婆婆」倪夏蓮永不言退，日前出賽時「華麗轉身」贏得全場掌聲，休息時仲開心飲可樂。可口可樂噚日就喺網上出張倪夏蓮飲汽水圖，話倪將快樂感染你我，於是推出購物折扣優惠，喺佢哋網站買滿388元，可減88元。呢次推廣吸到幾多客就未知，但個宣傳post出咗6小時，已有逾千次分享、近500個留言，宣傳效果睇嚟唔錯。