【明報專訊】大眾使用社交媒體已成為日常習慣，私隱專員公署噚日推出兩份懶人包，提醒大家使用智能電話同社交平台時可以點樣保護個人私隱，其中《保護個人資料—精明使用社交媒體》嘅懶人包入面，就話喺社交媒體發布資訊時，唔好隨意喺相片標註（tag）其他人，又叫市民注意社交平台上嘅資訊可以喺大家唔知情下被廣泛分享。