【明報專訊】新一屆區議會全部成立咗提振地區經濟專責工作小組，負責協助籌辦「日夜都繽紛」等地區活動，今日（26日）東區嘅工作小組會開第二次會議，討論籌辦該區嘅夜繽紛活動「東區夜飛龍巡遊」。睇番會議文件，除咗匯報計劃內容同財政安排，仲有討論宣傳計劃。Emily留意到工作小組成立咗3個宣傳組，其中一個叫「報章宣傳組」，「負責協助在友好報章撰寫文章作宣傳」，另外兩個分別係負責社交平台宣傳嘅「網上宣傳組」，同統籌商戶提供優惠嘅「邀請商戶支持組」。