【明報專訊】「兒科醫學會鵬程奮進堅毅獎學金2023」頒獎禮噚日舉行，20名得獎學生逐一接過獎項。頒獎者除咗有教育局長蔡若蓮、前律政司長梁愛詩等，仲有影帝梁朝偉，吸引場內唔少人爭相同佢合照留念。梁朝偉致辭時話，自己都係出身基層嘅單親家庭，中學未畢業就開始出嚟做嘢，知道自己讀書唔多就去進修，而且認真對待每個工作。佢認為自己唔算「好成功」，但就做到心中要求，「我覺得自己同大家一樣都係普通人，如果我都可以，相信所有人都可以」。