【明報專訊】5個有線電視女主播喺公司新聞廠大跳韓國女團BLACKPINK成員智秀（Jisoo）新歌《Flower》嘅「開花舞」，據知引起高層不滿，亦有資深媒傳人批評係「新聞業界嘅恥辱」，但立法會選委界議員江玉歡（Doreen，圓圖）就力撐一班主播，噚日佢喺facebook話「時代唔同喇」，認為今時今日話搶人，難請後生仔女，就更加要有包容同理解年輕人嘅心態，「如果香港有咁多規條，呢樣唔做得，嗰樣唔做得，搵邊個來香港吖？」