【明報專訊】近日好多人感染新冠同流感，少咗人捐血，公立醫院亦因服務需求殷切，對血液需求亦不斷上升。香港紅十字會輸血服務中心噚日話，血庫只係剩番4日存量，其中O型、A型同B型血尤其唔夠，形容每日收集血液數量同目標有「好大距離」，呼籲市民盡快捐血，話周末、下周佛誕假期（26日）都會開放捐血站。Emily聽到消息後都已經即刻約埋幾個朋友，今個周末放假一齊捐血。