【明報專訊】政府先後推出「你好，香港！」和「開心香港」活動，想帶旺市面氣氛，民建聯立法會港島東議員梁熙團隊就話響應，噚日喺銅鑼灣舉辦民間版「開心香港歡迎您」活動，話趁香港復常後首個五一黃金周，向旅客及市民送上懷舊小食，傳達歡樂氣氛。現場所見，團隊安排咗雪糕車到場，仲有提供糖葱餅、龍鬚糖、叮叮糖等懷舊小食，又向小朋友派氣球，設打卡位畀大家影相。梁熙仲做埋雪糕佬，向市民送上軟雪糕。