【明報專訊】前財政司長曾俊華都擁抱人工智能（AI）熱潮，佢嚟緊會為其任職顧問嘅保險公司拍廣告，要度吓造型，公司就用AI Art Generator，即係人工智能圖像生成器，以佢嘅圖片，創作咗唔同款式嘅造型畀佢參考，令佢可以變身超級英雄、高達、悟空都冇難度。曾俊華讚賞創作「好amazing」，話畫功除咗手指位仲有啲瑕疵之外，基本上都算係高水準之作，又話咁多個造型揀，今次都有「選擇困難症」。