【明報專訊】第41屆香港電影金像獎頒獎禮前晚舉行，《給十九歲的我》奪最佳電影，電影聯合導演郭偉倫「拍咗先算，剪咗先算，上咗先算」感言引發唔少關注。文體旅局長楊潤雄都有出席頒獎禮，並喺facebook出帖同上載相片，佢喺場外搵咗唔少演員同幕後人員合照，話衷心恭賀所有得獎者、感謝所有電影從業員不斷努力追求卓越，「打造一部又一部廣受觀眾歡迎的電影」，以電影「說好香港故事，展現香港獨特的文化魅力」。楊局長特別提到，胡楓獲頒「終身成就獎」、資深影評人羅卡及石琪獲頒「專業精神獎」，形容佢哋係電影界後輩嘅學習典範。