【明報專訊】港澳辦主任夏寶龍到香港考察，政總高層以至立法會都配合。夏寶龍前日（周日）去到立法會，歷史性坐喺會議廳中央位置同議員交流，據Emily了解，夏寶龍當時同特首李家超、中聯辦主任鄭雁雄等人一字排開坐喺議事廳嘅主席台前，一眾議員坐番平時個位。睇番當晚嘅會面影片，有人發現喺主席台，象徵立法會嘅「立」字標誌唔見咗；而睇番立法會上次開大會，即係3月29日時，個標誌仍「立」足主席台。