【明報專訊】政府首長茲事體大，一般多係選舉產生或中央政府任命。Emily留意到，英國政府近期以公務員合約公開招聘英國屬地直布羅陀嘅總督（governor）。雖然總督係代表英王喺當地嘅最高代表，甚至係駐軍總司令同埋有官邸，但似乎人工相對就麻麻，起薪年薪得9.5萬英鎊，即月薪約7萬幾港元，仲少過香港嘅立法會議員，另加海外工作津貼。