【明報專訊】立法會會議廳入面，每個位都有個咪高峰畀官員同議員發言時用，立法會主席梁君彥話，個咪高峰系統早喺2011年搬入大樓時已經安裝，即係用咗超過10年，當時系統無特別安裝防干擾功能。事至今日，幾乎人人手機在身，好多議員仲帶埋平板電腦去開會，但手機接收信息時會干擾到個咪高峰系統，產生雜音造成滋擾。