【明報專訊】特首李家超（前台中）前日公布《施政報告》之後，根據慣例向駐港外交官同商會簡介會講述其施政重點，出席者仲有政務司長陳國基（前台左）同主力撰寫報告嘅施政報告組主任何珮玲（前台右）。據Emily了解，會上唔少提問都係關於疫後復常，李家超重申都係要精準及審視疫情。另外，港交所主席查史美倫同行政總裁歐冠昇，同沙特駐港總領事賈布林（Hamad Aljebreen）見面，領事館話大家討論雙方共同關心嘅議題。