【明報專訊】特首李家超周三喺立法會發表《施政報告》後，噚日朝再去立法會出席答問大會，一眾行政會議成員就連續兩日坐喺會議廳樓上嘅公眾席，聞說佢哋係想向外界展示「隊形」撐特首。唔少行會成員發聲稱讚施政報告多項建議，其中陳清霞就話，李家超團隊「大膽求變，勇於創新」，係「志不求易者成，事不避難者進」。