【明報專訊】副政務司長卓永興前日出席立法會「前廳交流會」，向議員講笑咁話唔好叫佢「鼠王興」，因為個名有專利，擔心有「鼠王芬」之稱嘅經民聯議員梁美芬嬲。梁美芬當年空降參選九龍西大打地區鼠患問題，佢噚日喺facebook少有開腔講跟咗自己多年嘅花名，話「鼠王」無專利，期待除咗卓永興畀人叫「鼠王興」之外，有更多官員議員齊齊做「鼠王」，最好區區有「鼠王」。