【明報專訊】民主黨九龍西立法會前議員黃碧雲即使無做議員，仍然十分關注區內以至香港民生議題。今個星期一油麻地母嬰健康院塌鐵閘壓斃女保安，黃碧雲喺facebook話前日再去到意外現場，佢提出多個質疑，例如據報有關鐵閘已壞咗兩個星期，點解一直拖延未維修、有冇人提醒員工用人手開關鐵閘嘅安全措施等。佢認為呢個係政府物業，政府有責任保障使用者嘅安全。