【明報專訊】旅發局噚日出埋最後一批「賞你遊香港」超過40個行程，今朝10點開始就可以直接同旅行社報名。連埋之前出咗個啲，而家計埋出咗6萬個本地遊嘅名額，最後一批都係圍繞「探索文化」、「大城小區」、「維港秘景」及「尋覓美食」四大主題，包括畀團友親手製作傳統茶粿、新興藝術「圓圈繪畫（Circle Painting）」體驗、水上的士暢遊維港等，另外亦有參觀老字號醬園、傳統花炮博物館、西貢秘景打卡等。