【明報專訊】最低工資由2019年起一路凍結喺時薪37.5元，最低工資委員會最遲要喺10月底向行政會議提交檢討建議報告，如果檢討後有調整，會喺明年5月1日起實施新水平。工聯會噚日就建議將最低工資定喺時薪45蚊，又要求政府研究新機制，一旦委員會勞資雙方達唔到共識，就交畀行會按照通脹調整最低工資，以免底層勞工喺通脹下再次凍薪，變相減人工。