【明報專訊】實政圓桌立法會議員田北辰經營G2000品牌時裝生意，諗唔到佢嘅業務都可以喺疫下幫人一把。田二少（圖左二）話早排有院舍求助話需要物資，包括要一啲衣服畀員工替換，等佢哋可以將工作同家居衣服分開，唔使帶住可能沾上病毒嘅衫返屋企。田二少話，佢叫人去貨倉睇睇，整理咗一批T恤存貨，有唔同顏色、尺碼，連同保護衣、口罩等，一次過送去屯門同元朗5間院舍。