【明報專訊】社區仍然有好多確診者等緊入隔離設施，輕症患者亦都難以預約到指定診所睇醫生，醫管局噚日再開多6間指定診所，包括樂富橫頭磡賽馬會普通科門診診所，但仍然有唔少人話預約唔到。除咗求診者戴兩個口罩加強防護外，疫情下有電視台記者採訪時都著晒全套保護衣同戴高防護力嘅口罩，仲伸張支咪棍，保持社交距離下訪問求診嘅患者。