【明報專訊】港區人代、前海管理局香港事務首席聯絡官洪為民1月嘅生日會風波，牽連多個官員被特首批評，時任民政事務局長徐英偉更因此而下台。事件主角洪為民呢兩個月嚟鮮有公開露面，全國兩會亦冇上京出席。不過，噚日「愛心車隊青年行動」嘅facebook就上載洪為民現身捐贈N95口罩畀車隊嘅相，該箱物資貼有「前海國際聯絡服務有限公司」捐贈口罩字樣，呢間公司係前海管理局香港服務窗口。