【明報專訊】中小學同幼稚園學生陸續提早放「暑假」，唔少家長為安排活動畀仔女而煩惱。海洋公園將為5至8歲嘅小朋友舉辦網上魔術工作坊「媽呢媽呢@Home!」，參與活動嘅小朋友只要留喺屋企，透過Zoom視像會議程式就可以同魔術師見面，學到玩魔術技巧。工作坊仲會邀請小朋友試用屋企嘅物件變做魔術道具，等佢哋發揮創意之餘又學識減廢綠色生活。