【明報專訊】台灣藝人徐熙媛（大S）因為電話號碼20年冇換，成為契機，同韓星舊愛具俊曄再續前緣，令網民大為驚嘆，具俊曄提到「20多年前那個號碼」嘅聲明亦變成潮文。唔少本港政界中人抽水，好似民建聯劉國勳噚日喺facebook出帖，第一句就話「參政近20年，國勳的手機號碼一直沒變」，為嘅係同街坊連結，如街坊需要支援，佢同團隊會盡力協助；佢又話希望大家加入義工團，「助人助己，一起走出疫境」。