【明報專訊】因應第五波疫情，室內外運動場地都要暫時關閉，而髮型屋今日可以重開。新民黨主席、行會成員葉劉淑儀前日喺Twitter發文，表示歡迎政府准許髮型屋重開，並同時促請當局盡快重開非接觸式運動嘅場地，例如高爾夫球場同網球場等，認為唔單止要幫助髮型師，亦要協助教練及球僮。選委會界別立法會議員江玉歡亦有分享葉太嘅帖文，話完全同意某啲運動設施應該盡快重開。