【明報專訊】第五波疫情下，各方發起唔少「自救」行動，19名立法會議員就發動「感召義工齊護老計劃」，招募義工去護老院幫手照顧長者。現時唔少院舍爆疫，有份發起活動嘅社福界議員狄志遠話，院舍人手短缺達三至五成，「餵飯都餵唔切」，就算政府緊急從內地請人，遠水不能救近火，希望義工愈多愈好。經民聯梁美芬希望義工可以幫輕院舍員工，強調事前會有短期培訓，又希望政府可提供保護裝備。