【明報專訊】本港疫情屢見新高，唔少外籍人士心郁郁想返老家。據Emily打聽，瑞士總領事館近日就向居港瑞士人發電郵，話瑞士航空會喺下禮拜一安排一班特別飛機，由香港經新加坡飛返蘇黎世，新加坡短暫停留期間乘客唔使落機，基本上等同直飛，所以唔使額外檢測或檢疫。由於瑞士已撤銷大部分社交距離措施，除非返到去確診，否則都唔使隔離。瑞士駐港總領事Rolf Frei好高興可以達成呢個結果，並感謝航空公司安排。