【明報專訊】張繼聰主演電影《金童》11月21日上映，跟太太謝安琪努力宣傳兼謝票，11月26日大埔宏福苑五級火，宣傳活動叫停，加上謝安琪出嫁前居宏福苑，痛失舊同學和鄰居，心情沉重。《金童》上映近3星期，票房破700萬，張繼聰前日在社交平台留言：「好希望可以有番謝票場……個原因係仲有好多紀念品擺咗喺屋企。」粉絲留言表示支持。

《金童》官方社交平台昨日公布團隊恢復到戲院謝票，以及今明的謝票場時間表。張繼聰留言：「呢條路唔易行，感謝每一名入場支持我哋嘅朋友，最後一段大直路，希望大家陪我一齊行埋落去。」《金童》官方社交平台上載之前張繼聰和謝安琪謝票場片段，以「金童．傳承的一刻」為題，見到姜大衛（John哥）偕太太李琳琳和胡楓捧場，張繼聰跟前輩打招呼，「我哋全部都係後輩，因為全部人都係抄John哥㗎！因為John哥係開埠以來，拍拳擊題材電影第一人，我哋畀啲掌聲John哥」。

張繼聰問姜大衛當年是否跟他一樣食白烚雞肉兼操練兩年？姜大衛笑言：「我哋以前邊有咁多好嘢學㗎，打就打㗎啦！你食雞胸肉，我食雞髀㗎。」引得全場大笑。

娛樂組