【明報專訊】當年推動《保護海港條例》、其後做過副環境局長嘅陸恭蕙最近接受關注氣候危機團體「HK2050isNOW」訪問，被問到點睇政府最近修例，佢話當年「搞政治」學到樣嘢，就係法例獲通過或贏咗訴訟，成功改變現况，但過一排就好多人唔記得，又或者覺得係咪有啲嘢可以改。佢話自己「有啲嘢睇化咗」，如果有啲嘢要守，佢呢一代守唔掂，就要下一代守，形容係社會現實。