【明報專訊】每年嘅資深大律師委任都係法律界大事，終審法院首席法官張舉能噚日宣布3名大狀「升仙」（升senior），包括上訴庭法官薛偉成嘅太太林芷瑩。林嘅執業範疇廣泛，專長刑事法，最近正喺高院參與《反恐條例》第二案審訊，佢代表控方。噚日委任消息一出，Emily嘅法庭組同事都有當面恭喜佢，佢笑笑口講多謝，其他大律師就向佢豎起拇指。委任儀式將喺6月7號舉行。