【明報專訊】美國總統特朗普發動關稅戰，公務員年代代表港府參與貿易談判嘅前財政司長曾俊華都加入批評，話最弊嘅係特朗普自己都唔知搞呢場貿易戰嘅大結局「end game」係乜，形容呢個舉動無非係想做啲佢一向擅長「蝦蝦霸霸」嘅嘢，想全世界向佢叩頭，然後再談判攞着數，「自覺威威，盡顯霸主嘅本色」。曾俊華話，美國唔再跟世貿或者其他國際組織嘅規條，打碎過去幾十年建立嘅全球自由貿易同政治秩序，認為除咗令全球經濟動盪，地緣政治及戰爭風險或會愈嚟愈高。