【明報專訊】大律師公會早前擴大法律義助服務計劃，公會噚日包場睇講聽障者嘅電影《看我今天怎麼說》，請計劃下4間非牟利組織一齊睇戲同映後座談。唔講唔知，原來今次公會係第一次戲院包場搞慈善放映會。公會主席毛樂禮（Jose，前排中）致辭時話，《看》表達平等信息，同公會支持法律義助服務、確保所有人得到專業法律支援、維護司法公義嘅理念一致，希望藉此答謝合作伙伴。佢又話，期望義助服務計劃幫到更多需要免費法律諮詢嘅市民。