【明報專訊】全國政協前常委、商人何柱國噚晚出席商台節目《光明頂》時透露，幾個月前發現患肺癌，諮詢過美國嘅醫生，對方建議佢留港治療，其後佢到養和醫院求醫，𠵱家已康復。「我都勸朋友食少啲煙。我呢世人最唔鍾意一個人叫盧寵茂（醫衛局長），喂，我係人，食煙仔都係自己，死唔死我有自由，後來諗番起都感謝佢，真係做治療嘅過程，你唔會死，但過程係好辛苦嘅，所以呢，我平衡過，我都係減咗佢唔食，我叫我啲朋友如果食緊煙仔呢，減咗佢，因為（治療）過程好辛苦，死唔去仲辛苦呀！」