【明報專訊】電影業近年經營狀况麻麻，今年更接連有戲院宣布結業，啱啱就有MCL鑽石山結束營業，令今年累計有7間戲院結業。網台D100主持潘小文喺節目唔點名話，有位於西環嘅戲院完約之後就會「執（笠）」，「爭在2024定2025」，引來位於西環嘅高先電影院將要結業嘅消息傳出，不過高先電影院已經否認。

高先電影創辦人曾麗芬文字回覆Emily話「並非事實」。高先電影院都回覆話：「我們暫時會繼續努力營運下去，網上『執笠』謠言絕不屬實。」

租約到2029

睇番資料，高先目前租約應該去到2029年9月30日，一眾影迷可以暫時鬆一口氣。