【明報專訊】「PANDA GO！香港遊」主辦方「AllRightsReserved」，早前邀請10名不同界別人士為10隻熊貓雕塑換新形象，畀公眾自周三（11日）起48小時內競投。競投噚日結束，主辦方話，整個慈善拍賣籌得逾40.5萬元，將全數捐畀海洋公園保育熊貓。

PANDA GO抵達昂坪纜車

每隻「特別版」熊貓起標價3000元，競投價最高嘅係本地藝術家王信明設計嘅Molly Panda，競投價逾10.2萬元，佢將其代表角色Molly同熊貓太空服結合，意思係將和平信息帶往宇宙。

另外，主題展覽「PANDA GO！香港遊」今起一連兩日喺昂坪360舉行，除咗昂坪市集及市集涼亭有多隻熊貓雕塑「打卡」，其中5架纜車會變成熊貓主題纜車，各有一隻熊貓雕塑同市民遊車河。市民若幫襯自拍館影相，部分收益將捐予世界自然基金會保育野生熊貓。