【明報專訊】港大圖書館噚晚舉行112周年晚宴，首席信息主管及大學圖書館館長伍麗娟（Flora）分享圖書館最新發展，話最近一年將有歷史價值嘅手稿數碼化，項目包括記載由1921至1982年、包括抗日時期香港面貌嘅《陳君葆日記》手稿。佢又感謝唔不少人慷慨捐款支持圖書館。

梁智鴻憶當年圖書館識女仔

同場嘅港大校委會前主席梁智鴻同Emily講，最難忘當年喺圖書館內做兩件事，分別係溫書同識女仔，「不過讀書多啲」。佢鼓勵港大生多睇人物傳記，透過人哋嘅思考及做事方式學習。

身兼科技大學籌備醫學院校董會顧問小組主席嘅梁智鴻亦同Emily傾開，話要約顧問小組成員面對面開會好難，「一個喺美國東部、一個美國西部，但要我夜晚12點（網上）開會都冇所謂」。佢話好想幫手籌備第三間醫學院，「只係（培訓）臨牀醫生係唔夠，醫學生要識科研，香港嘅醫學先可以行落去」。