【明報專訊】香港體育學院新設施大樓噚日舉行啟用禮，其設備大大提升。主禮嘅特首李家超同運動員交流及試用設施，仲見到空手道運動員鄧宇軒。李家超話前年8月去體院時與當年19歲嘅宇軒傾偈，知道對方呢幾年經歷傷患，但堅毅不屈、蛻變為獨當一面嘅空手道新星，更於去年榮升U21男子個人形「世一」，為香港創下歷史，對年輕人呢份精神感到好鼓舞。

特首話，香港運動員喺巴黎奧運同殘奧會分別取得兩金兩銅、3金4銀1銅佳績；政府為推動體院長遠發展，為運動員提供更優良嘅訓練和支援設施，撥款約10億元，興建樓高3層、樓面面積約9000平方米嘅體院新設施大樓；大樓設有兩大世界級訓練場館、加建新旅舍，其中運動科學和運動醫學設施嘅作業樓面面積增大超過兩倍，相信有助運動員喺更優質環境提升表現，全力備戰賽事。