【明報專訊】商台前DJ蘇耀宗（細So）2020年被爆背妻出軌，事後公開認錯，獲太太陳頴楠原諒，不過事業大受影響，之後夫妻為一對子女移居英國，展開新生活。細So的名字近日在網上再引起討論，事緣有影音專賣店在社交平台放售張敬軒舊唱片《春•夏•秋•冬》簽名版，有網民留意到CD封面有疑似張敬軒筆迹及親筆簽名，寫道：「Dear細So，好多謝你一直以來都支持我嘅音樂！希望你會鍾意呢隻碟！」

細So自嘲名字唔值錢

細So昨日就此事在社交平台發文承認是CD原主人，「多謝各位關心！當日冇得返舊公司搬走我啲CD，後來有同事幫我攞返部分碟。其餘仲有好多一路都放喺直播室，諗住留喺度畀大家用，點知就唔知畀邊個攞咗去賣。如果你要賣，都抹走個名同msg（message）先呀，有我個名唔會值錢啲㗎」。他又對張敬軒說：「今時今日我都仲係一直咁支持你同你嘅音樂！」

張承諾續送簽名碟

張敬軒有留意事件，並留言回應，搞笑自認是「CD大盜」，「其實我以前喺兩間電台出沒，擸擸埋埋都好多其他artist簽畀各位DJ嘅碟，我係出咗名嘅CD大盜，查實呢單嘢係唔係我經手，都唔敢肯定，不過應該機會不大，因為我唔係好接受到自己個髮型，我會繼續簽碟畀你，不過都要等我有碟先。好快有好快有，love you」。獲張敬軒支持，細So回覆︰「等你好耐啦，多謝你先！今次我發達啦，love you」。

娛樂組