【明報專訊】西貢區議員方國珊早前讀完理大消防及安全工程碩士課程，近日行畢業禮，仲計劃再報讀短期課程，繼續增值。年屆50嘅佢話學海無涯，希望大家唔好自我設限，特別係中年人，要勇敢追夢，以正面態度面對不同挑戰。

方國珊喺地區工作多年，佢話人生閱歷可以協助居民解決各種難題，但當牽涉專業範疇，即使佢呢個年紀都覺得需要持續自我增值，所以兩年前佢報讀理工大學嘅消防及安全工程碩士課程，課程重點係改善建築安全、意外預防、危險評估、風險分析、安全管理與審核、施工現場嘅安全等。佢期望可以學以致用，運用專業知識服務社區，加強工地安全。