【明報專訊】內地首顆可重複使用返回式技術試驗衛星「實踐19號衛星」上月11日返航，上面搭載嘅太空科學實驗，同埋社會公益、文化創意等物品亦順利回收，包括由香港保安局及轄下紀律部隊同輔助部隊挑選嘅文化創意物品。相關「載荷」今起一連6日喺太空館大堂展出，希望加強市民嘅民族自豪感、增進大眾了解各部隊。

局方挑選嘅包括國安漫畫，代表維護國安屬局方重任；漫畫主角「保安熊仔」亦特製裝備遠赴太空，藉此推廣國安教育。至於紀律部隊、輔助部隊就揀選咗吉祥物，包括警隊防騙吉祥物「提子」及海關Customs Yes熊公仔等，其他物品包括本港特區護照及身分證樣本。

早前喺政總主持開箱儀式嘅保安局長鄧炳強話，對獲邀參與國家航天任務感榮幸；是次「載荷」象徵各部隊敢於追夢、勇於創新嘅精神，並致力守護香港。