【明報專訊】早幾日萬聖夜，警方喺蘭桂坊實施人群管理措施，監警會委員亦去到了解實况，其中主席王沛詩化身成《哈利波特》入面嘅麥教授（中），秘書長梅達明就扮成青蜂俠助手加藤（左），工作之餘享受節日氣氛。

委員除咗了解蘭桂坊增設嘅閉路電視運作，並去到人流主要位置觀察單向和潮水式人流管制。王沛詩話，實地觀察可親身體驗市民同遊客感受，同時了解前線警務人員現實中執法同維持秩序嘅考量；如果日後接到投訴，有助委員理解現場情景，全面透徹咁審核投訴個案。