【明報專訊】博鰲亞洲論壇與香港菁英會聯合舉辦嘅博鰲亞洲論壇青年論壇香港會議，因為疫情等原因停辦6年後，下月復辦，今次會議將有一場國際青年對話會，題目為「世界的未來：青年的視角」，星級講者包括本身係菁英會成員嘅奧運劍擊金牌得主江旻憓。江旻憓𠵱家喺馬會擔任對外事務助理經理，而馬會亦有贊助今次論壇，菁英會常務副主席黃進達話江旻憓係以會員身分支持活動，又話江都係青年代表人物，夠晒分量。